Fyrirtækið Rekovy ehf. stendur á bak við Bata. Við störfum þrjú hjá fyrirtækinu; Þórdís, Ágúst og Leifur.  Appið hefur verið þróað í nánu samstarfi við yfir 300 einstaklinga í bata og alla helstu meðferðaraðila við áfengis- og vímuvanda á Íslandi.

Við brennum fyrir því að nýta tækni til að bæta líf fólks. Hugmyndin kviknaði eftir að Þórdís missti frænda sinn úr ofneyslu og kynntist meðferðarkerfinu betur, fyrst í gegnum skólaverkefni. Hún varð hugsi yfir því að fólk skyldi ganga úr meðferð með einungis áætlun á pappír í höndunum. Þess vegna þróuðum við Bata, stafrænan stuðningsfélaga, sem heldur utan um bataferlið allt á einum stað og hvetur þig áfram á þinni vegferð. Bataferlið er eilífðar ferðalag.